ყირიმის ხიდზე მორიგი იერიში განხორციელდა, რასაც ძლიერი აფეთქებები მოჰყვა. დარტყმის შედეგად ხიდის ერთ-ერთი თაღი და სავალი ნაწილი ჩამოინგრა, რის გამოც საავტომობილო მოძრაობა სრულად შეჩერებულია.
ანექსირებული ყირიმის მოსკოვის მიერ დანიშნულმა ხელმძღვანელმა, სერგეი აქსიონოვმა განმეორებითი თავდასხმა დაადასტურა და ხიდზე სატრანსპორტო მოძრაობის სრული შეჩერების შესახებ განაცხადა.
შეგახსენებთ, რომ სტრატეგიულ ობიექტზე იერიში გუშინაც განხორციელდა, რა დროსაც მოძრაობა თითქმის 17 საათის განმავლობაში იყო შეზღუდული. მიუხედავად იმისა, რომ რუსული მხარე გუშინდელ დაზიანებებს „უმნიშვნელოს“ უწოდებდა, ბოლო დარტყმამ ნაგებობას სერიოზული ზიანი მიაყენა.