“სასკოლო ფორმების გაყიდვები 1-ელი სექტემბრიდან საცალოდ და ონლაინ ფორმატში დაიწყება.” – განაცხადა გივი მიქანაძემ.
სასკოლო ფორმის საფასური თითოეული ერთეულისთვის შეადგენს: სასკოლო პიჯაკი (ბიჭისთვის): 45 ლარი, სასკოლო შარვალი (ბიჭისთვის): 25 ლარი, სასკოლო პიჯაკი (გოგოსთვის): 45 ლარი, სასკოლო შარვალი (გოგოსთვის): 25 ლარი, სასკოლო ქვედაკაბა: მოკლე: 25 ლარი, გრძელი: 25 ლარი.
სასკოლო ფორმებს მოსწავლეთა 6 კატეგორია უფასოდ მიიღებს. დადგენილების ფორმები უსასყიდლოდ გადაეცემათ საჯარო სკოლების დაწყებითი საფეხურების იმ მოსწავლეებს, რომლებიც:
ა) რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და მათი ოჯახების სარეიტინგო ქულა 65001 ქულაზე ნაკლებია;
ბ) ჩართულნი არიან მინდობით აღზრდის სახელმწიფო პროგრამაში;
გ) განთავსებულნი არიან მცირე საოჯახო ტიპის სახლებში;
დ) ჩართულნი არიან მიუსაფარ ბავშვთა თავშესაფრების მომსახურებაში;
ე) განთავსებულნი არიან თბილისის ბავშვთა სახლში;
ვ) 2022 წლის 24 თებერვალს უკრაინაში დაწყებული საომარი მოქმედებების შედეგად, ვერ ახერხებენ უკრაინის ზოგადსაგანმანათლებლო დაწესებულებაში ზოგადი განათლების მიღების გაგრძელებას და ჩარიცხულნი არიან საქართველოს საჯარო სკოლებში.