ვფიქრობ, ირანთან ცეცხლის შეწყვეტის შეთანხმება დასრულებულია, – ამის შესახებ აშშ-ის პრეზიდენტმა, დონალდ ტრამპმა ანკარაში, ნატო-ს გენერალურ მდივან მარკ რუტესთან შეხვედრაზე განაცხადა.
ირანთან საქმის დაჭერა აღარ მსურს – უპასუხა ტრამპმა მედიის შესაბამის კითხვას.
„ეს საინტერესო შეკითხვაა. ვფიქრობ, ის [ირანთან ცეცხლის შეწყვეტის შეთანხმება] დასრულდა. მათთან საქმის დაჭერა აღარ მსურს. ჩემი აზრით, მათთან ურთიერთობა უბრალოდ დროის კარგვაა. მე მათ ვუთხარი, როცა დარტყმას განახორციელებთ, ჩვენ საპასუხოდ დაგარტყამთ. მაგრამ, რა თქმა უნდა, ისინი ბინძური მოთამაშეები არიან და ყველას თავს ესხმიან. მე ისინი არ მომწონს. ისინი ბოროტი და ავადმყოფი ადამიანები არიან. ისინი კიბო არიან და იცით, რა უნდა გააკეთოთ? კიბო ადრეულ ეტაპზევე უნდა ამოკვეთოთ“, – განაცხადა ტრამპმა.
შეგახსენებთ, აშშ-მ ირანულ ნავთობზე სანქციები აღადგინა მას შემდეგ, რაც ირანი ჰორმუზის სრუტეში კომერციულ გემებს თავს დაესხა.
გამოცემა Axios-მა ამერიკელ ოფიციალურ პირებზე დაყრდნობით დაწერა, რომ ირანმა ჰორმუზის სრუტეში ტრანზიტით მიმავალ სავაჭრო გემებს, სულ მცირე, 2 რაკეტა ესროლა.
ამის შემდეგ, სამხედრო ძალებმა ირანის წინააღმდეგ იერიშების ახალი სერია დაიწყეს.