სააფთიაქო ნარკომანიის საქმეზე ერთ-ერთი ბრალდებული ჯანდაცვის ყოფილი მინისტრის, ზურაბ აზარაშვილის მოადგილე ირაკლი მხეიძეა | თბილისის საქალაქო პროცესი გვიან ღამემდე გაგრძელდა, სადაც ადვოკატებმა მოსამართლე მზია გარშაულაშვილის აცილების შუამდგომლობა დააყენეს, თუმცა მოსამართლემ საქმე არ აიცილა. სასამართლო პროცესი დაიხურა. ბრალდებულებს აღკვეთის ღონისძიების სახით პატიმრობა შეეფარდათ, ძებნა კი 3 ადამიანზე გამოცხადდა, მათ შორის ფარცხალაძის გარემოცვის წევრზე ლევან ჩოხელზე
 “ირაკლი მხეიძეს ბრალდება წარედგინა 332-ე მუხლის პირველი ნაწილით, რაც გულისხმობს სამსახურებრივი უფლებამოსილების ბოროტად გამოყენებას პირადი გამორჩენის მიზნით, საჯარო ინტერესის საწინააღმდეგოდ. დანაშაულებრივი ჯგუფის საქმიანობიდან და სპეციფიკიდან გამომდინარე, მათ ხელს უწყობდა ფსიქოტროპული ნივთიერებების უკანონო რეალიზაციაში და შესაბამისად, არ ახორციელებდა შესაბამის სამართალდარღვევებზე რეაგირებას. ასეულობით პირია ამ სისხლის სამართლის საქმეზე გამოკითხული, მიმდინარეობს კიდევ გამოძიება”  თქვა პროკურორმა სასამართლო პროცესის დასრულების შემდეგ
 24 ივნისს ფინანსთა სამინისტროს საგამოძიებო სამსახურში განაცხადეს: “53 მილიონ ლარზე მეტი ღირებულების ფსიქოტროპული წამლებით უკანონო ვაჭრობისთვის 17 პირი დააკავეს, ბრალდებულებს შორის რეგულირების სააგენტოს ყოფილი მაღალი თანამდებობის პირებიც არიან”.
 ირაკლი მხეიძემ ჯანდაცვის მინისტრის პოსტს 2024 წელს იკავებდა.