ჭიათურაში, პერევისის 25 – ე მაღაროში აფეთქება მოხდა. აფეთქების შედეგად მძიმედ დაშავდა ორი ადამიანი – ცვლის უფროსი და ამფეთქებელი. ორივეს სხეულის დამწვრობა აღენიშნება და დაზიანებული აქვთ მხედველობა. დაშავებულები თბილისში გადიყვანეს. ექიმების თქმით, მათ სიცოცხლეს საფრთხე არ ემქურება.
კომპანია ,,ჯორჯიან მანგანეზის''ინფორმაციით, შემთხვევა ტექნიკური სამუშაოების შესრულების დროს მოხდა.
ეს უკვე მეორე მსგავსი შემთხვევაა ამ მაღაროში ბოლო ერთი წლის განმავლობაში, რის გამოც კომპანიასთან პრეტენზიები აქვს გაერთიანებულ პროფკავშირებს. მათი თქმით, სათანადოდ არ არის დაცული უსფრთხოების ნორმები.
შინაგან საქმეთა სამინისტროს უკვე დაწყებული აქვს ინციდენტის გამოძიება უსაფრთხოების წესების დარღვევის მუხლით.