თურქეთში არმიის ავიაციის სარდლობის კუთვნილი ვერტმფრენი ჩამოვარდა . თურქული მედია წერს, რომ შემთხვევა ანკარაში მოხდა. მომხდარის შედეგად, ბორტზე მყოფი ხუთი ადამიანი დაშავდა.
რა გახდა ავიაკატასტროფის მიზეზი, ეს ამ დრომდე უცნობია.
„ჩვენი არმიის ავიაციის სარდლობის კუთვნილი CH-47 მძიმე სატრანსპორტო ვერტმფრენი ანკარა თემელის რაიონში სასწავლო ფრენის დროს გაურკვეველი მიზეზით ჩამოვარდა. ჩვენს პერსონალს შორის დაშავებულები არ არიან. ჩამოვარდნის მიზეზი დეტალური გამოძიების შემდეგ დადგინდება“, – აცხადებენ თავდაცვის სამინისტროში.
ვერტმფრენის ჩამოვარდნის ადგილი ჟანდარმერიის ჯგუფებმა შემოღობეს.
თურქეთის შეიარაღებული ძალების (TSK) სტიქიური უბედურებების საძიებო-სამაშველო ჯგუფი და სამხედრო ჩინოვნიკები რეგიონში საგამოძიებო მოქმედებებს აგრძელებენ.