უნგრეთის მომავალმა პრემიერმინისტრმა, პეტერ მადიარმა განაცხადა, რომ შეწყვეტს სახელმწიფო მედიასაშუალებების მაუწყებლობას და მოამზადებს მედიარეფორმას, რომელმაც ქვეყანაში პრესის თავისუფლება უნდა უზრუნველყოს. პარტია „ტისა“-ს ლიდერმა ინტერვიუ იმ ფაქტის აღნიშვნით დაიწყო, რომ ის წელიწადნახევრის განმავლობაში პირველად გამოჩნდა ვიქტორ ორბანის მთავრობის მიერ კონტროლირებად სახელმწიფო მედიაში.”მთავრობის ფორმირების შემდეგ, ჩვენ შევაჩერებთ სახელმწიფო მედიასაშუალებების მუშაობას“ | დააანონსა მადიარმა.მან განმარტა, რომ წინასაარჩევნო კამპანიის დროს სახელმწიფო მედიამ „დიდი ზიანი მიაყენა“ და თითოეული უნგრელი იმსახურებს მედიას, „რომელიც რეალობას გადმოსცემს“.მადიარმა სამთავრობო მედიას „სიცრუის ფაბრიკა“ უწოდა. ხოლო როდესაც წამყვანმა მისთვის სიტყვის გაწყვეტა სცადა, პოლიტიკოსმა უთხრა: „დამასრულებინებთ? ამ წინადადების სათქმელად წელიწადნახევარია ვიცდი“.მომავალი მთავრობის მეთაურის თქმით, სახელმწიფო მედიას უნდა ეცადა, ნაწილობრივ მაინც ყოფილიყო დამოუკიდებელი, მაგრამ „ამას ახლა მნიშვნელობა არ აქვს“.