მთავარისიახლეებისაზოგადოებავოლოდიმირ ზელენსკი - ჩვენ მხარს ვუჭერთ ახლო აღმოსავლეთში ცეცხლის შეწყვეტას

ვოლოდიმირ ზელენსკი – ჩვენ მხარს ვუჭერთ ახლო აღმოსავლეთში ცეცხლის შეწყვეტას

Published on

ჩვენ მხარს ვუჭერთ ახლო აღმოსავლეთსა და სპარსეთის ყურეში ცეცხლის შეწყვეტას, რაც დიპლომატიური ძალისხმევის საფუძველს ქმნის, – ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.

„ცეცხლის შეწყვეტა სწორი გადაწყვეტილებაა, რომელიც ომის დასრულების შესაძლებლობას ქმნის. ეს ნიშნავს ადამიანების სიცოცხლის გადარჩენას, ქალაქებისა და სოფლების ნგრევის დასრულებას, ელექტროსადგურებისა და სხვა ინფრასტრუქტურის ნორმალურ მუშაობს და შესაბამისად, დროისა და პირობების უზრუნველყოფას, რაც აუცილებელია იმისთვის, რომ დიპლომატიამ შედეგი გამოიღოს. უკრაინა ყოველთვის ცეცხლის შეწყვეტის მოწოდებით გამოდის ევროპაში ჩვენი სახელმწიფოსა და ჩვენი ხალხის წინააღმდეგ რუსეთის მიერ წარმოებულ ომში. უკრაინა კვლავ ეუბნება რუსეთს, რომ თუ რუსები დარტყმებს შეწყვეტენ, მზად ვართ, ეს ჩვენც გავაკეთოთ. ყველასთვის ნათელია, რომ ცეცხლის შეწყვეტას შეთანხმებისთვის საჭირო წინაპირობების შექმნა შეუძლია“, – წერს ზელენსკი X-ზე.

მისი თქმით, ირანსა და აშშ-ს შორის მოლაპარაკებების პროცესში ბევრი ქვეყანა იყო ჩართული და მნიშვნელოვანია, რომ „აშშ-მა ეს დიპლომატიური ნაბიჯი გადადგა“.

„ბოლო კვირების განმავლობაში უკრაინა ახლო აღმოსავლეთსა და სპარსეთის ყურეში ქვეყნებს ადამიანების სიცოცხლის დაცვაში ეხმარებოდა. უკრაინელი ექსპერტები რეგიონში მუშაობას გააგრძელებენ. რეგიონში არსებულ ვითარებას გლობალური შედეგები აქვს. ახლო აღმოსავლეთსა და სპარსეთის ყურეში უსაფრთხოებისა და სტაბილურობის წინაშე არსებული ნებისმიერი საფრთხე ყველა ქვეყანაში ეკონომიკურ გამოწვევებს ზრდის. ასევე, მნიშვნელოვანია ჰორმუზის სრუტეში თავისუფალი ნაოსნობის დაცვა და ამ საკითხთან დაკავშირებით მტკიცე გადაწყვეტას გლობალური მნიშვნელობა აქვს. სწორი შედეგის მისაღწევად საერთაშორისო საზოგადოების აქტიური და კოორდინირებული მოქმედებაა აუცილებელი“, – აცხადებს უკრაინის პრეზიდენტი.

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...