მთავარისიახლეებიСБУ- ჯაშუშობისთვის დავაკავეთ უნგრეთის დაზვერვის თანამშრომელი, ის ადრე საქართველოშიც მუშაობდა

СБУ- ჯაშუშობისთვის დავაკავეთ უნგრეთის დაზვერვის თანამშრომელი, ის ადრე საქართველოშიც მუშაობდა

Published on

უკრაინის უსაფრთხოების სამსახურის (СБУ) მიხედვით, დააკავეს უნგრეთის სამხედრო დაზვერვის თანამშრომელი ზოლტან ანდრე, რომელიც უკრაინის წინააღმდეგ მოქმედ ჯაშუშურ ქსელს ხელმძღვანელობდა. СБУ ასევე წერს, რომ ანდრე 2016 წლიდან 2020 წლამდე საქართველოში უნგრეთის დიპლომატიური მისიის წარმომადგენლის საფარქვეშ “სადაზვერვო სამუშაოს” ასრულებდა.

“განათლების საერთაშორისო ცენტრის” აღმასრულებელი დირექტორის 2020 წლისა და 2019 წლის 23 იანვრის ბრძანებებში წერია, რომ ამ დროისთვის საქართველოში უნგრეთის საელჩოს პირველი მდივანის თანამდებობა ზოლტან ანდრეს ეკავა.

СБУ-ს ცნობით, ანდრემ უკრაინის წინააღმდეგ ჯაშუშობა 2021 წლიდან დაიწყო, მას შემდეგ, რაც სამხრეთ კავკასია დატოვა. უკრაინის უსაფრთხოების სამსახურის თანახმად, ანდრემ ამ წელს ყოფილი უკრაინელი სამხედრო გადაიბირა, 2024 წელს კი ის “გაააქტიურა” და ზაკარპატიეში ჯაშუშობა დაავალა.

როგორც СБУ წერს, ამ ჯაშუშს დასავლეთ უკრაინის ჰაერსაწინააღმდეგო სისტემების განლაგებაზე ინფორმაციის შეგროვება და მიწოდება ევალებოდა. ამასთან, ანდრემ მას უნგრეთის ჯაშუშური ქსელისთვის ახალი პირების გადაბირება დაავალა.

უკრაინის უსაფრთხოების სამსახურის თანახმად, ჯაშუშური ქსელის ხელმძღვანელი განსაკუთრებით უკრაინის ყოფილი და მოქმედი სამხედროები და სამართალდამცავი ორგანოს თანამშრომლებით იყო დაინტერესებული.

СБУ-ს მიხედვით, ანდრე სარგებლობდა ზაკარპატიეში უნგრეთის დიპლომატიური დაწესებულებებით, სადაც უკრაინის მოქალაქეები უნგრეთის მოქალაქეობის მისაღებად პირად მონაცემებს აგზავნიან, ხოლო ადამიანთა გადასაბირებლად მათ ფინანსურ დახმარებას და უნგრეთის მხრიდან რიგ შეღავათებს სთავაზობდა.

გასული წლის მაისში უკრაინის უსაფრთხოების სამსახურმა (СБУ) გაავრცელა ცნობა, რომ გამოავლინეს უნგრეთის სამხედრო დაზვერვის ჯაშუშური ქსელი, რომელიც უკრაინის წინააღმდეგ მუშაობდა.

СБУ-ს განცხადების მიხედვით, ამ ქსელის მიზანი იყო შეეგროვებინათ ინფორმაცია ზაკარპატიის ოლქის სამხედრო დაცულობის შესახებ, მოეძებნათ რეგიონში სახმელეთო და საჰაერო დაუცველი წერტილები და შეესწავლათ ადგილობრივი მოსახლეობის საზოგადოებრივი და პოლიტიკური შეხედულებები, კერძოდ, როგორ მოიქცეოდნენ ისინი, თუ რეგიონში უნგრელი სამხედროები შევიდოდნენ.

ზაკარპატიის ოლქი უნგრეთს ესაზღვრება და აქ უნგრული ეთნიკური უმცირესობის წარმომადგენლებიც ცხოვრობენ.

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...