ბუნებრივია, ანდერძი არ არსებობს – განცხადება პროტოპრესვიტერმა, მამა გიორგი ზვიადაძემ სიონის საპატრიარქო ტაძარში ჟურნალისტებთან გააკეთა.
სასულიერო პირის განცხადებით, პატრიარქმა სიცოცხლეშივე დანიშნა თავის მოსაყდრედ მიტროპოლიტი შიო და ანდერძის საჭიროება აღარ არსებობს.
შემიძლია მთელი პასუხისმგებლობით განვაცხადო, რომ რამდენადაც ჩემთვის ცნობილია, არანაირი ანდერძი არ არსებობს და ვერ იარსებებს. პატრიარქმა მთელ მსოფლიო მართლმადიდებელ ეკლესიაში, მთელ მსოფლიოში აღიარებულმა უდიდესი ავტორიტეტის მქონე საეკლესიო მოღვაწემ, ილია მეორემ გადაწყვიტა თავის სიცოცხლეში თავად გამოეცხადებინა წერილობითაც და სიტყვიერადაც, რომ მეუფე შიო ყოფილიყო საპატრიარქო ტახტის მოსაყდრე. წმინდა სინოდს აუცილებლად ეცოდინებოდა. სინოდის სხდომაზე ამას აუცილებლად იტყოდნენ. ბუნებრივია, ანდერძი არ არსებობს და ამის საჭიროება საერთოდ არ იყო“, – განაცხადა მამა გიორგი ზვიადაძემ.
მან არ გამორიცხა ის, რომ 40 დღის გასვლამდეც შეიკრიბოს წმინდა სინოდი.
“შესაძლებელია ეს გადაწყვეტილებაც იქნეს მიღებული. მხოლოდ ეს არ არის აუცილებლობიდან გამომდინარე, შეიძლება საორგანიზაციო საკითხებთან დაკავშირებით მღვდელმთავრები შეიკრიბონ, როცა ამას საჭიროდ ჩათვლის საპატრიარქო ტახტის მოსაყდრე”, – განაცხადა მამა გიორგი ზვიადაძემ.