“ქართული ოცნების” პროპაგანდისტი, ქრთამის მიცემისა და გარყვნილი ქმედებისთვის მსჯავრდებული, “პოს ტვ”-ს ერთ-ერთი ხელმძღვანელი და წამყვანი შალვა რამიშვილი ამბობს, რომ მისი გულწრფელი აზრით, ბიძინა ივანიშვილი უნაკლო არ არის, მაგრამ ნაკლი არა აქვს.
“რა თქმა უნდა, ბიძინას ნაკლი არ აქვს. არ აქვს! უნაკლო კი არ არის, ნაკლი არ აქვს. ბიძინას ცუდი რა შეიძლება ვთქვა იცი? გულწრფელად გეუბნები – ლმობიერი იყო ძალიან ამდენი ხანი ამათ მიმართ. ის, რომ შენს ოპოზიციას ისე არ უნდა მოექცე, როგორც მას ეკუთვნის, არამედ როგორც ჩვენ გვეკადრება – ეს არ იყო სწორი.
ნუ, ალბათ, რიგი გარემოებები აიძულებდა ამ კოჰაბიტაციას – ამან ბევრი რამე დაგვიშავა, თორემ ახლა, ამ კრიტიკულ სიტუაციაში, როცა ჩვენ გადარჩენისთვის ვიბრძვით – რა ნაკლზეა საუბარი? სცილას და ქარიბდას შორის გაატარა ქვეყანა. გულწრფელად მჯერა – მე ასე რომ არ მჯეროდეს, მე ამდენ გინებას, ამდენ ბულინგს ასე იოლად ვერ გავუძლებდი. ამ ბრძოლაში, რაც მიდის დაახლოებით 5 თუ 6 წელი, მას არანაირი ნაკლი არ აქვს. პირიქით, მე შეიძლება სხვანაირად მინდა, მინდა ასე სწრაფად, მინდა რომ დედა ვუტიროთ, მაგრამ აი ასე რომ მიდის – ამხელა რაღაცებს რომ ეჭიდება, ადამიანს არ აქვს ნაკლი”, – თქვა “ქართული ოცნების” პროპაგანდისტმა შალვა რამიშვილმა გადაცემაში “საქართველოს დაბადება”.