ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, კაია კალასი “ქართული ოცნების” მიერ მიღებულ ახალ კანონებსა და კანონმდებლობაში შეტანილ ცვლილებებს ეხმაურება.
მისი თქმით, ამ კანონების მიღება აჩვენებს, რომ “ოცნება” ნამდვილად არ მიდის სწორი გზით.
ამ კანონების მიღება უკიდურესად სამწუხაროა და აჩვენებს, რომ საქართველოს მთავრობა ნამდვილად არ მიდის სწორი გზით, როცა ევროკავშირში გაწევრიანებაზე ვსაუბრობთ,” – განაცხადა კაია კალასმა.
შეგახსენებთ, გუშინ “ქართულმა ოცნებამ” გრანტებთან და პოლიტიკურ აქტივობასთან დაკავშირებით კანონის გამკაცრებას მესამე მოსმენით მხარი დაუჭირა – დამტკიცებული ცვლილებები ხელისუფლების ლეგიტიმაციის არაღიარებას კრძალავს. საკანონმდებლო ცვლილებათა პაკეტი, რომლის გათვალისწინებით, გრანტების მიღებასთან, ასევე პოლიტიკურ საქმიანობასთან და პოლიტიკურ აქტივობასთან დაკავშირებული წესები და საკანონმდებლო ნორმები კიდევ უფრო მკაცრდება, პარლამენტმა მესამე მოსმენით დაამტკიცა.