მთავარისიახლეებიირანმა კვიპროსზე ბრიტანულ ავიაბაზასა და თურქეთში აშშ-ის ბაზაზე იერიშები მიიტანა

ირანმა კვიპროსზე ბრიტანულ ავიაბაზასა და თურქეთში აშშ-ის ბაზაზე იერიშები მიიტანა

Published on

კვიპროსზე ბრიტანეთის სამხედრო-საჰაერო ძალების ავიაბაზაზე თავდასხმა განხორციელდა. ბაზას ირანული დრონი დაესხა თავს.

Daily Mail-ის ინფორმაციით, ეს მას შემდეგ მოხდა, რაც ბრიტანეთის პრემიერ-მინისტრმა კირ სტარმერმა აშშ-ს მისცა ნებართვა, აღნიშნული ბაზიდან ირანის სარაკეტო ობიექტებზე „თავდაცვითი“ დარტყმები განეხორციელებინა.

გამოცემის ცნობით, დაახლოებით შუაღამისას ლიმასოლში მდებარე ავიაბაზაზე აფეთქების ხმა გაისმა. სამხედროებს დაევალათ დაუყოვნებლივ დაბრუნებულიყვნენ საცხოვრებელ შენობებში, თავშესაფრებში შეულიყვნენ და მითითებებს დალოდებოდნენ. Cyprus Mail-ის ინფორმაციით, ბრიტანულ ავიაბაზას ირანული უპილოტო აპარატი დაესხა თავს. დაუდასტურებელი ცნობებით, ეს შესაძლოა Shahed 136 ტიპის დრონი ყოფილიყო.

გაერთიანებული სამეფოს თავდაცვის სამინისტრომ დაადასტურა, რომ კვიპროსზე მდებარე ავიაბაზა დრონის იერიშის ქვეშ მოექცა, რის გამოც ობიექტზე უსაფრთხოების ზომები გამკაცრდა.

ბი-ბი-სის ინფორმაციით, სავარაუდო თავდასხმის შედეგად არავინ დაშავებულა.

კვიპროსის გარდა, თურქული მედიის ცნობით, ირანმა თურქეთში მდებარე ამერიკულ ბაზა „ინჯირლიკზეც“ მიიტანა იერიში, თუმცა ეს ინფორმაცია ჯერჯერობით ოფიციალურად არ დადასტურებულა.

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...