ეკონომისტ გიორგი ხიშტოვანის შეფასებით, დიდი ბრიტანეთის მიერ „TV იმედისა“ და „პოსტ TV“-ს დასანქცირება კომპანიებისთვის სერიოზულ ფინანსურ სირთულეებს შექმნის.
მისი თქმით, მოსალოდნელია პრობლემები ფინანსურ ოპერაციებში, სარეკლამო შემოსავლებსა და საბანკო ვალდებულებებში, რაც შესაძლოა საოპერაციო საქმიანობასაც შეეხოს.
შეიქნება, წესით, მნიშვნელოვანი სირთულეები ფინანსური ოპერირების, ფინანსური საქმიანობის, ეს დასული იქნება ხელფასების გაცემამდეც. როგორც მინიმუმ, საერთაშორისო ჰოლდინგები, საერთაშორისო კომპანიების წარმომადგენლები პირველ ეტაპზე უარს იტყვიან ამ დასანქცირებულ კომპანიაში რეკლამის განთავსებაზე, თავს შეიკავებენ და იგივე ეხებათ, პირობიათად, ფინანსურ ინსტიტუტებს, რადგან რისკებთან არის დაკავშირებული. ახლა ამ კომპანიებს აქვთ საბანკო სესხები, ორივეს, სავარაუდოდ, “იმედს”, როგორც მინიმუმ და არ გამოვრიცხავ, რომ ახლა ბანკებმა მათ მოსთხოვონ ამ სესხების მყისიერად დაფარვა, როგორც ხდება ეს ანუ ამ შემთხვევაშიც, მესაკუთრეებმა უნდა დაფარონ ეს სესხები მყისიერად.
მე ვიტყოდი ასე, მე არ ვისურვებდი ამ კომპანიის ფინანსურ დირექტორობას. კომპანიას, სავარაუდოდ, მნიშვნელოვანი ფინანსური პრობლემები შეექმნება, მაგრამ ამ ეტაპზე, შეიძლება, საერთოდ, საოპერაციო საქმიანობის გაგრძელებისთვის აუცილებელი პირობეი მოერღვეს. წესით, უნდა შეეხოთ ყველას, რადგან საქართველო ითალისწინებს დიდი ბრიტანეთის მიერ სანქციებს, მაგრამ არ გამოვრიცხოთ, ეს გამოჩნდება რამდენიმე საათშიც, წესით, თავის დროზე რომ იყო, ეს ცნობილი ოთარ ფარცხაძის ქეისი, რაღაც მსგავსსაც ჰქონდეს ადგილი. თუ გვახსოვს, ეს ზუსტად იყო მცდელობა, რომ “ქართულ ოცნებას” შეეზღუდა კომერციული საბანკო სექტორი აღესრულებინა საერთაშორისო სანქციები. მაშინ როგორღაც საქართველოს ეკონომიკამ და ფინანსურმა სისტემამ გადააგორა ეს კრიზისი, ვნახოთ, ახლა რა რეაქცია ექნება, პირველ რიგში, “ქართულ ოცნებას”, – ამბობს გიორგი ხიშტოვანი