თბილისის სატელევიზიო ანძა ირანის დროშის ფერებში განათდა. თბილისის მერიაში აცხადებენ, რომ ეს უკავშირდება ირანის ეროვნულ დღესასწაულს და მერიას თხოვნით ირანის საელჩომ მიმართა, რაც წინა წლებშიც არაერთხელ მომხდარა.
“როგორც იცი, მსგავსი პრაქტიკა წლებია არსებობს, როდესაც საქართველოში აკრედიტებული დიპლომატიური კორპუსის წარმომადგენლები მოგვმართავენ თხოვნით, ყოველთვის ვანათებთ ანძას შესაბამისი ქვეყნის დროშის ფერებში,” – ამბობენ მერიაში.
ოპოზიციის ბანაკის პოლიტიკოსებიდან ამ გადაწყვეტილებას თბილისის ყოფილი მერი გიგი უგულავა აპროტესტებს და აღნიშნავს, რომ 12 თებერვალი არა ირანის ქვეყნის დამოუკიდებლობის, არამედ ისლამური რევოლუციის დღეა.