ქობულეთის ერთ-ერთ სასტუმროში, რამდენიმე თვის წინ მომხდარი ხანძრის საქმეზე, სამართალდამცველებმა ერთი პირი დააკავეს. გამოძიების ინფორმაციით, ექსპერტიზამ დადგინდა, რომ ე.წ. ხასანას სასტუმროში დარღვეული იყო სამშენებლო ნორმები, ელექტრო გაყვანილობა კი არ იყო შესაბამისად გამართული.
შემთხვევას 3 მოზარდი ემსხვერპლა. გამოძიების ინფორმაციით, ცეცხლის კერა იმ ოთახში იყო, სადაც მოზარდები იმყოფებოდნენ. გამოძიება სახანძრო უსაფრთხოების წესის დარღვევის ფაქტზე მიმდინარეობს, რაც 5-დან 8 წლამდე პატიმრობას ითვალისწინებს.