გამოცდების ცენტრის ინფორმაციით, დარეგისტრირებული აბიტურიენტებიდან ზოგადი უნარების გამოცდის პირველი დღის პირველ სესიაზე აპლიკანტთა დაახლოებით 5% არ გამოცხადდა.შეგახსენებთ, რომ განსაკუთრებით ცხელი დღეების გამო შეიცვალა ერთიანი ეროვნული გამოცდების განრიგი: 5 ივლისის ზოგადი უნარების გამოცდის პირველი და მეორე სესია ჩატარდება 7 ივლისს, ანალოგიური თანმიმდევრობით. 6 ივლისის განრიგს ცვლილებები არ შეხებია.შეფასებისა და გამოცდების ეროვნული ცენტრის განმარტებით, ზოგადი უნარების გამოცდაზე ყველა აპლიკანტი დაწერს ტესტის იმ ვარიანტს, რომელიც უნდა ეწერა თარიღების შეცვლამდე.
შეგახსენებთ, რომ წელს ერთიან ეროვნულ გამოცდებზე 38 000-მდე აბიტურიენტი დარეგისტრირდა. არჩევითი საგნებიდან კი ყველზე მეტი აპლიკანტი გეოგრაფიას, ისტორიას და მათემატიკას აბარებს. 2018 წლის ერთიანი ეროვნული გამოცდები თბილისის მასშტაბით 9 საგამოცდო ცენტრში ტარდება. ხოლო ქვეყნის მასშტაბით სულ 22 ცენტრი ფუნქციონირებს. აბიტურიენტები, მასწავლებლები, მასწავლებლობის მსურველები, სტუდენტთა საგრანტო კონკურსის მონაწილეები და მაგისტრობის მსურველები გამოცდებს 26 ივლისს დაასრულებენ.