რუსული ძალების მიერ ოდესაზე დრონებით თავდასხმის შედეგად დაშავებულთა რაოდენობა 22-მდე გაიზარდა – უკრაინის საგანგებო სიტუაციების სამსახურის ცნობით, დაშავებულებს შორის 5 ბავშვია.
ასევე გრძელდება სამძებრო-სამაშველო ოპერაციები – ნანგრევებში ადამიანები არიან მოყოლილი.
„წინასწარი შეფასებით, ნანგრევების ქვეშ შესაძლოა სამი ადამიანი იმყოფებოდეს. სამაშველო სამუშაოები გრძელდება და მობილიზებულია კინოლოგიური სამსახურები“, – აცხადებენ უკრაინის საგანგებო სიტუაციების სამსახურში.
როგორც ოდესის საოლქო-სამხედრო ადმინისტრაციის ხელმძღვანელი, სერგეი ლისაკო აცხადებს, თავდასხმის შედეგად დაზიანდა ინფრასტრუქტურა, საცხოვრებელი შენობები, საბავშვო ბაღი, მაღაზია და სამშენებლო მოედანი.