ოლიგარქის პრეზიდენტმა, მიხეილ ყაველაშვილმა ნათლისღების დღესასწაულთან დაკავშირებით 159 პირი შეიწყალა.
არიან თუ არა შეწყალებულთა შორის პროდასავლურ აქციებზე დაკავებულები, ჯერ უცნობია. დაკავებულთა მეგობრები და ოჯახის წევრები რუსთაველიდან გლდანის ციხისკენ მიდიან. ყაველაშვილის ადმინისტრაციამ უკვე გადაუგზავნა შეწყალებულთა სია პენიტენციურ დაწესებულებებს.
პრესსამსახურის მიერ გავრცელებულ განცხადებაში ნათქვამია, რომ ყაველაშვილის გადაწყვეტილება “ჰუმანიზმის პრინციპსა და სახელმწიფო ინტერესს ეფუძნება.”