„ამერიკის შეერთებული შტატები მამაც ირანელ ხალხს მხარს უჭერს“, – წერს აშშ-ის სახელმწიფო მდივანი მარკო რუბიო X-ზე, ხოლო დონალდ ტრამპმა კიდევ ერთხელ გაუსვა ხაზი, რომ თუ ირანი მშვიდობიანი მოსახლეობის ხოცვას დაიწყებს, აშშ-ში ჩაერევა და შეაჩერებს სისხლისღვრას.
ამ დროს კი, საპროტესტო მანიფესტაციებისა დემონსტრაციების დროს საპოლიციო ძალებმა და უსაფრთხოების თანამშრომლებმა უკვე 45 ადამიანი მოკლეს.
ამასთან, ირანის ყოფილი შაჰის შვილმა, რეზა ფეჰლევიმ სოციალურ ქსელში ვიდეომიმართვა გაავრცელა, რომელშიც ნათქვამია, რომ ირანში დაბრუნებისთვის ემზადება.
ასევე, ფეჰლევიმ ირანის მოსახლეობას მოუწოდა, რომ დემონსტრაციებს შეუერთდნენ.
„მოგიწოდებთ, დღეს და ხვალ, საღამოს 6 საათიდან, გამოდით ქუჩებში ეროვნული დროშებითა და სიმბოლოებით. ჩვენი მიზანი მხოლოდ ქუჩებში გამოსვლა აღარ არის, არამედ ჩვენი მიზანი ქალაქების ცენტრების დაკავებაა“, – აცხადებს ფეჰლევი.