გაერო-ს გენერალურმა ასამბლეამ სპეციალურ საგანგებო სესიაზე მიიღო რეზოლუცია, რომელიც რუსეთისგან გატაცებული უკრაინელი ბავშვების დაბრუნებას მოითხოვს.
რეზოლუციას 91-მა ქვეყანამ, მათ შორის, საქართველომ დაუჭირა მხარი. რუსეთმა და კიდევ 11-მა ქვეყანამ ხმა რეზოლუციის წინააღმდეგ მისცეს. 57-მა ქვეყანამ კი ხმის მიცემისგან თავი შეიკავა
რეზოლუციის მხარდამჭერი ქვეყნები რუსეთისგან მოითხოვენ, “უზრუნველყოს ყველა იმ უკრაინელი ბავშვის დაუყოვნებლივი, უსაფრთხო და უპირობო დაბრუნება, რომლებიც იძულებით გადაიყვანეს ან დეპორტირებულები არიან”.
გაეროს გენერალურმა ასამბლეამ რეზოლუცია მას შემდეგ მიიღო, რაც აშშ-ს პრეზიდენტის, დონალდ ტრამპის სპეციალური წარმომადგენელი სტივ უიტკოფი და მისი სიძე ჯარედ კუშნერი კრემლში რუსეთის პრეზიდენტს, ვლადიმირ პუტინს შეხვდნენ.