ვლადიმერ პუტინის განცხადებით, აშშ-ის ელჩებთან, სტივენ უიტკოფთან და ჯარედ კუშნერთან ხუთ-საათიანი შეხვედრა განპირობებული იყო მათ მიერ უკრაინისთვის წარდგენილი სამშვიდობო გეგმის სირთულეებით. შეხვედრაზე თითოეული პუნქტი დეტალურად განიხილეს, რუსეთი კი ზოგიერთ მათგანს არ დაეთანხმა. ამის შესახებ რუსეთის პრეზიდენტმა India Today-სთან ინტერვიუში ისაუბრა.
მისი თქმით, მოსკოვს ამერიკელებთან შეხვედრამდე არანაირი ახალი ინიციატივა არ უნახავს – “სწორედ ამიტომ მოგვიწია ყველა პუნქტის განხილვა, რის გამოც ამდენ ხანს გაგრძელდა [შეხვედრა]” – განმარტა პუტინმა.
რუსეთის ლიდერმა აღნიშნა, რომ არსებობდა საკითხები, რომლებზეც კონსენსუსი ვერ იქნა მიღწეული.
ასეთი საკითხები არსებობდა და ჩვენ განვიხილეთ, მაგრამ ეს რთული სამუშაოა… სადღაც ვთქვით, რომ დიახ, შეგვიძლია ამაზე ვისაუბროთ, მაგრამ ამაზე ვერ შევთანხმდებით. ზუსტად ეს არის საუბრის ტონი,” – თქვა მან.