ევროკაშირი უმოქმედობით საქართველოს კიდევ უფრო სწრაფად კარგავს – სალომე ზურაბიშვილი ბრიუსელს “ოცნების” წინააღმდეგ უფრო ხისტი ზომების მიღებისკენ მოუწოდებს. განცხადება მეხუთე პრეზიდეტმა „FRANCE 24 English”- თან ინტერვიუში გააკეთა.
ხალხს სურს დაინახოს, რომ დასავლეთში მათი ესმით, მათი მხარდაჭერა არსებობს – ამბობს საქართველოს მეხუთე პრეზიდენტი.
ზურაბიშვილმა საერთაშორისო მედიასთან საქართველოში არსებულ რეპრესიებზე, პოლიტიკოსების, მედიის და მესამე სექტორის დევნაზე ისაუბრა. მეხუთე პრეზინტმა ილაპარაკა კრიზისიდან გამოსავლის გზებზე და თქვა, რომ ერთადერთი შანსი სამართლიანი არჩევნებია.
ფაქტობრივად არანაირი საპასუხო ზომები არ ყოფილა მიღებული ევროკავშირის მხრიდან ამ თითქმის 4 წლის განმავლობაში, როდესაც აქედან ვხედავთ მუდმივ თავდასხმებს ევროპელ და ამერიკელ ელჩებზე, ეს არის პირდაპირი თავდასხმები და საპასუხოდ რეაქცია არაა. ვხედავთ პირდაპირ შეტევას თავად ევროკავშირზე, რომ თითქოს გაერთიანებას სურდა საქართველოში მეორე ფრონტის გახსნა. ამ ყველაფერმა არ მოიტანა მყისიერი რეაგირება. რატომ? იმიტომ რომ, ვფიქრობ ევროპელებს ეშინიათ საქართველოს დაკარგვის, ამ დროს კი ამ ქმედებებით კიდევ უფრო სწრაფად კარგავენ.
ხალხს სურს დაინახოს, რომ დასავლეთში მათი ესმით, მათი მხარდაჭერა არსებობს. დღეს საქართველოში ტერორია, მაგრამ ხალხი მაინც აფრიალებს ევროკავშირის დროშებს. მე ოპტიმისტი ვარ და ვფიქრობ, ვნახავთ უკეთეს ევროპულ დღეებს საქართევლოში. ქვეყანაში არსებულ სიტუაციას მშვიდობიანი გზით შევცვლით – ეს არჩევნებია.
შემდეგ არჩევნებში ჩვენ გულუბრყვილოები აღარ ვიქნებით, ჩვენ არ შევებრძოლებით მათ ისე, როგორც ვებრძოდით ადრე, და, რა თქმა უნდა, მოვითხოვთ მეტ მხარდაჭერას პარტნიორებისგან, პროპაგანდასთან ბრძოლის თვალსაზრისით, ასევე სხვადასხვა ინსტრუმენტების წინააღმდეგ, რომლითაც არჩევნების გაყალბებაა შესაძლებელი”, – განაცხადა ზურაბიშვილმა.