ჟურნალისტი ვასილ ივანოვ-ჩიქოვანი დააკავეს. ინფორმაციას ვასილ ივანოვ- ჩიქოვანის დედა სოციალურ ქსელში ავრცელებს.
„ახლა დამირეკეს პოლიციიდან ვასკას დაკავების თაობაზე. სამი მცირეწლოვანი ბავშვის დედ-მამა დააკავეს რუსთაველზე დგომის გამო“,- წერს ვასილ ივანოვ- ჩიქოვანის დედა დოდო შონავა.
ცნობისთვის, რამდენიმე საათის წინ, ვასილ ივანოვ-ჩიქოვანის მეუღლე მაიკო ბოკერიაც დააკავეს.
ვრცელდება ინფორმაცია რეჟისორ გიორგი ლიფონავას დაკავების შესახებაც.
მხოლოდ დღეს უკვე 20-დე ადამიანია დაკავებული, ვასილ ჩიქოვანი კი მეოთხე დაკავებული ჟურნალისტია 19 ოქტომბრის შემდეგ.