ივანიშვილი ახლა მთლიანად აშორებს განათლების სისტემას ევროპას – ასე ეხმაურება “ოცნების” ახალ განათელბის პროგრანას საქართველოს მესამე პრეზიდენტი, მიხეილ სააკაშვილი.
როგორც სააკაშვილის სოცილაურ ქსელში გავრცელებულ განცხადებაში წერს, “ისტორიაში შევიდა ფაქტი, რომ განათლების ახალი სისტემის ერთ-ერთი თანაავტორი არის 8-კლასიანი განათლების არ მქონე კალაძე”.
„ივანიშვილმა დახურა ამერიკელი მასწავლებლების პროგრამა და ამერიკული ტექნოლოგიური უნივერსიტეტი. მაშინ ჩემ გარდა ყველა ჩუმად იყო. ახლა მთლიანად აშორებს განათლების სისტემას ევროპას.
ისტორიაში შევიდა ფაქტი, რომ ახალი განათლების (გაუნათლებლობის) სისტემის ერთ-ერთი ოფიციალური თანაავტორი არის რეალურად 8-კლასიანი განათლების არ მქონე კალაძე“, – წერს მიხეილ სააკაშვილი.
ცნობისთვის, ირაკლი კობახიძემ განაცხადა, რომ სკოლები 11-წლიანი პროგრამით იმუშავებენ, ბაკალავრიატი 3-წლიანი იქნება, ხოლო მაგისტრატურა – 1-წლიანი.
ასევე, დაგეგმილია, რომ თითო ფაკულტეტი მხოლოდ ერთ სახელმწიფო უნივერსიტეტში ფუნქციონირებდეს და ქვეყნის მეორე უმაღლესი განათლების ცენტრი ქუთაისში შეიქმნას.