თბილისი მერიოტის მიმდებარე ტერიტორიაზე დღევანდელი აქციის ორგანიზატორები საქართველოს ხუთჯვრიანი დროშებით დგანან და სტუდენტების მარშს ელოდებიან.
როგორც პაატა ბურჭულაძე ამბობს, იქიდან გამომდინარე, რომ დღეს დროშების რევოლუციის დღეა, აცუილებელია ყველას ეჭიროს დროშა.
“ჩვენ დღესვე დავასრულებთ რუსულ რეჟიმს, ყველაფერი კარგად იქნება“,- ამბობს ბრუჭულაძე.
დღეს დროშების რევოლუციის დღეა და აუცილებელია, ყველას ეჭიროს დროშა, ვიცით, უკვე რა სულისკვეთებითაც მოდიან. მარტო გამარჯვება, მეტი არაფერი, ჩვენ სხვა გზა არ გვაქვს, ჩვენ დღესვე დავასრულებთ რუსულ რეჟიმს, ყველაფერი კარგად იქნება. ერთი პრობლემაა მხოლოდ, რომ ბევრი ადამიანი მოდის, ხშირი მოძრაობაა და ხალხს შესაძლოა ცოტა დაუგვიანდეს.
დღეს აქ გამომსვლელები არ იქნებიან, წარვადგენთ დეკლარაციას. ისტორიული თარიღია, ეროვნული კრება, საქართველოს ისტორიაში პირველად, შემდეგ კი რაღაც სიურპრიზი გვაქვს, რაზედაც ხმა უნდა მივაცემინოთ,ჩვენ კითხვებს დავსვამთ და ხალხმა უნდა უყაროს კენჭი, რის შემდეგაც უნდა გვქონდეს მოლოდინი, რომ ყველაფერი კარგად იქნება, -განაცხადა ბურჭულაძემ.