მოვლენების ეპიცენტრში დღესაც იქნებიან სინდისის პატიმრების მშობლები. დილიდან ისინი მომიტინგეებისთვის საკვებს ამზადებენ, რათა, მათ შორის, რეგიონებიდან ჩამოსულ მოქალაქეებსაც გაუმასპინძლდნენ.

სინდისის პატიმრების დედები ამბობენ, რომ ქვეყნის და შვილების თავისუფლებისთვის ბოლომდე იბრძოლებენ.

აუცილებლად ვიბრძოლებ ზვიადის მეგობებთან ერთად, იქიდან წამოვალთ მარშით, ქვეყანა უნდა გადავარჩინოთ რუსეთის მარწუხებიდან. ბრძოლა ბოლომდე! არ დავნებდებით, თუნდაც ხვალაც გაგღძელდეს და ზეგაც. რომ დავიღალოთ, არ გვადარდებს, ვიბრძლ;ებთ ქვეყნის და შვილების გადასარჩენად, ჩვენ ვეღარაფერი გაგვაჩერებს, – ამბობს ზვიად ცეცხლაძის დედა.

დედაქალაქის მთავარ გამზირზე მოქალაქეები 16:00 საათიდან შეიკრიბებიან. სტუდენტების საპროტესტო მსვლელობა, კი თსუ- პირველი კორპუსიდან 15:00 საათზე დაიწყება.

“სამშობლოს სამსახურში 16:00 საათზე, ყველანი რუსთაველზე!!!” – “რუსთაველის გამზირის” დამფუძნებელმა პაატა ბურჭულაძემ.