„ევროკავშირი და საქართველო“ ამ თემაზე ზუგდიდისა და ცაიშის ეპარქიის სამღვდელოებისთვის სემინარი გაიმართა.სასულიერო პირებმა დეტალური ინფორმაცია მიიღეს ასოცირების ხელშეკრულების შესახებ ექსპერტებისგან. მიხეილ მირზიაშვილმა და ივანე ჩხიკვაძემ ყველა იმ კითხვას გასცეს პასუხი რაც ამ თემასთან დაკავშირებით სამღვდელოებას გააჩნდა..შეხვედრას ორგანიზებას „განვითარებისა და დემოკრატიის ცენტრი“ უწევს. ორგანიზაციის თავმჯდომარე ქეთევან ჩაჩავა აღნიშნავს,რომ ასოცირების შესახებ შეთანხმება ერთნაირად სავალდებულოა საქართველოსა და ევროკავშირისთვის,ამიტომაც მნიშვნელოვანია ინფორმაციის სწორად მიწოდება საზოგადოებისთვის და მათი დაინტერესება.ამ საკითხში ეკლესიის როლის მნიშვნელობასა და აუცილებლობაზე საუბრობს მღვდელი დიმიტრი ვეკუა,მისი აზრით საკითხის ღრმად ცოდნა მნიშვნელოვანია, რადგან  სამღვდელოებაც ქვეყნის ნაწილია და მიმდინარე პროცესების შესახებ საქმის კურსში ყოფნა აუცილებელი პირობაა.შეხვედრის ორგანიზატორები მიიჩნევენ,რომ აღებული ვალდებულების შესრულებას საქართველო მხოლოდ მაშინ შეძლებს,როცა ქვეყნის მასშტაბით  ასოცირების ხელშეკრულების შესახებ ჩატარდება აქტიური საინფორმაციო კამპანია.