მარინა ბოროდინა ბავშვობიდან ოცნებობდა მსახიობობაზე. და მას ეს გამოუვიდა. ისწავლა ამერიკულ კინოაკადემიაში, აიწყო კარიერა ჰოლივუდში, მაგრამ რამდენიმე წლის წინ ყველაფერი შეიცვალა.
მარინას გვერდითი ამიოტროფული სკლეროზი დაუდგინდა – ნერვული სისტემის იშვიათი დაავადება, რომელიც იწვევს კუნთების შესუსტებას და საბოლოოდ, მათ ატროფიას.
თანდათანობით, დაავადებამ მას წაართვა ხმა, დაუკარგა მოძრაობის უნარი, დაკარგა ჭამისა და სმის შეგრძნება და უნარი. მაშინ მარინამ წიგნის წერა დაიწყო… თვალების დახმარებით.
მე ვიყენებ სპეციალურ მოწყობილობას eye-tracker რომელიც მონიტორქვეშ თხელ ფენად თავსდება და თვალის გუგების მოძრაობას აკვირდება. ეკრანს ქვემოდან ინფრაწითელი სენსორები თვალებში განათებს, კამერა აფიქსირებს შენს მზერას კლავიატურაზე, ალგორითმი მზერას კურსორად გარდაქმნის და კლიკ…”, – ჰყვება მარინა.
ასე გაჩნდა ავტობიოგრაფიული რომანი “ქარის მიმართულების წინააღმდეგ”. რომანი გვიყვება, როგორ არ უნდა დაკარგო შენი თავი, როცა ირგვლივ სხვას ყველაფერს კარგავ.
მარინა მიღწეულით დაკმაყოფილებას არ აპირებს: წერს მისივე რომანის ინგლისურ ვერსიას, ასევე სცენარს მინისერიალისთვის, რომელიც ერთ-ერთ სტრიმ-პლატფორმაზე გავა.
«მინდა, ბევრმა ადამიანმა გაიგოს, რომ ფუნქციური სხეულის ქონა უკვე ჯეკპოტია, ამიტომ ეს საჩუქარი კეთილი მიზნებისთვის უნდა გამოვიყენოთ”, – ამბობს მარინა.
