ბორჯომში, 55 წლის ქალი, რომელიც 7 თვის განმავლობაში მეზობლებს თურქეთში წასული ეგონათ, საკუთარ სახლში გარდაცვლილი იპოვეს. – ინფორმაციას ამის შესახებ “ინტერპრესნიუსი ავრცელებს. მეზობლების თქმით, , ქალი გასული წლის ნოემბერში ამბობდა, რომ თურქეთში გეგმავდა წასვლას. ამის შემდეგ ის არავის უნახავს და სამართალდამცველები მას შემდეგ გამოიძახეს, რაც დევნილთა საერთო საცხოვრებელში უსიამოვნო სუნი დადგა.
არსებული ინფორმაციით, 55 წლის ქალს გული აწუხებდა. პირველადი ინფორმაციით, გარდაცვლილს რაიმე ძალადობის კვალი არ აღენიშნება.
როგორც“ შსს-ში განუცხადეს, მომხდარზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.