,,დიდი ოცეულის" სამიტი წუთიერი დუმილით დაიწყო. შეხვედრის მონაწილეებმა პატივი მიაგეს პარიზში დაღუპულებს. სამიტის მთავარ თემად პარიზში მომხდარი ტერორისტული აქტები და ისლამური სახელმწიფოს წინააღმდეგ ბრძოლა იქცა.
სამიტის პირველ დღეს სიტყვით გამოსვლისას გერმანიის კანცლერმა ანგელა მერკელმა იმ პასუხისმგებლობაზე გაამახვილა ყურადღება, რომელიც ევროპას მიგრანტების მიმართ აკისრია. "ჩვენ ვაგზავნით მკაფიო სიგნალს იმის შესახებ, რომ ტერორიზმის ნებისმიერ ფორმაზე უფრო ძლიერები ვართ", – განაცხადა მერკელმა.
პარიზის ტერაქტები დაგმო მასპინძელი ქვეყნის, თურქეთის პრეზიდენტმა.
მომხდარზე კომენტარი გააკეთა დიდი ბრიტანეთის პრემიერმაც. დევიდ კემერონის თქმით, სიმშვიდის გარანტი მხოლოდ ისლამური სახელმწიფოს ბოლომდე განადგურება იქნება.
თეთრი სახლის ინფორმაციით,სირიის კონფლიქტსა და ისლამური სახელმწიფოს წინააღმდეგ ბრძოლის გზებზე ისაუბრეს ვლადიმერ პუტინმა და ბარაკ ობამამ თავიანთ ერთ-ერთ პირველი მაღალი რანგის შეხვედრაზე, თავად მათ შეხვედრის შემდეგ კომენტარი არ გაუკეთებიათ.
".