18 აგვისტოს ღამეს, რუსეთმა ოდესის ოლქში მდებარე, აზერბაიჯანული სახელმწიფო კომპანია SOCAR-ის ნავთობის ქარხანაზე უპილოტო საფრენი აპარატებით იერიში მიიტანა.

“საჰაერო უსაფრთხოების ძალების მუშაობის მიუხედავად, ოდესის რეგიონში ცეცხლი გაუჩნდა თბო-ელექტრო ინფრასტრუქტურას და ორსართულიან შენობას. ჩვენმა მაშველებმა ხანძარი სწრაფად ჩააქრეს”. – თქვა ოდესის ოლქის სამხედრო ადმინისტრაციის მეთაურმა, ოლეგ კიპერმა.

უკრაინული მედიის ინფორმაციით, რუსებმა SOCAR-ზე 10 უპილოტო საფრენი აპარატით მიიტანეს იერიში.

ბოლო პერიოდში ეს აზერბაიჯანული საწარმოს დაბომბვის მეორე ფაქტია.

8 აგვისტოს რუსეთმა ოდესის ოლქში შაჰედის ტიპის დრონების მეშვეობით Socar-ის ნავთობის საცავს დაარტყა. შედეგად, ობიექტზე გაჩნდა ხანძარი და დაზიანდა დიზელის ტიპის საწვავისთვის განკუთვნილი მილსადენი.

10 აგვისტოს ცნობილი გახდა, რომ აზერბაიჯანის და უკრაინის პრეზიდენტებმა, ილჰამ ალიევმა და ვოლორიმირ ზელენსკიმ რუსული იერიში დაგმეს.