ერთი პირია დაკავებული და გამოძიება სისხლის სამართლის კოდექსის 276-ე მუხლით მიმდინარეობს (ტრანსპორტის მოძრაობის უსაფრთხოების ან ექსპლუატაციის წესის დარღვევა) ავარიის შემდეგ, რომელიც 26~5 ივლისს, ხობთან მოხდა. დანაშაული ისჯება თავისუფლების აღკვეთით ვადით 4-დან 7 წლამდე.
ავარიის შედეგად 3 წლის ბავშვია დაღუპული, ხოლო ბავშვის დედა კლინიკაში გადაიყვანეს და სასწრაფო ოპერაციები დასჭირდა.
25 ივლისს ხობში, ახალსოფელში, მსუბუქი ავტომობილი, გაჩერებულ მეორე მსუბუქ ავტომობილს შეეჯახა, რომელიც მოცურდა და გაჩერებასთან მდგარ დედა-შვილს შეეჯახა. ორივე მათგანი მრავლობითი მოტეხილობებით სენაკში, კლინიკა “არქიმედეში” გადაიყვანეს.
კლინიკის განცხადებით, მოზარდს სიცოცხლესთან შეუთავსებელი ტრამვები ჰქონდა და ის გამთენიისას გარდაიცვალა.
დედის, თათია დავაძის გადარჩენა მოხერხდა, თუმცა, მისი მდგომარეობა სტაბილურად მძიმეა. მას ორივე ფეხისა და კისრის არეში ოპერაცია დასჭირდა. დაშავებულის მკურნალობა ქუთაისში გრძელდება. დედა-შვილი სოფელ ქვალონში ცხოვრობს.
“ოდიში” მწუხარებას გამოთქვამს მომხდარის გამო და თანაგრძნობას უცხადებს დაღუპულის ოჯახის წევრებს.