არასამთავრობო და სამოქალაქო სექტორის მიერ ორგანიზებული  სოლიდარობის აქცია ცენტრალურ ბულვარში  15:00 საათზე დაიწო. ახალგაზრდებმა, რომლებსაც ხელში ეჭირათ პლაკატები: „სისტემა უნდა დაინგრეს“, სოლიდარობა „ზაზა სარალიძეს“, „ხელს ნუ აფარებ მკვლელს“ მსვლელობა მოაწყვეს პროკურატურისკენ, ძირითადად დღევანდელ აქციაზე, ახალგაზრდები, სტუდენტები, მოქალაქეები და არასამთავრობო სექტორის წარმომადგენლები იმყოფებიან. ისინი სკანდირებენ – „წადი! წადი, სისტემა უნდა დაინგრეს!“

 

„ვუცხადებთ სოლიდარობას იმ ოჯახებს, რომლებიც დღემდე ამაოდ ეძებენ სამართლიანობას. გამოდით ყველანი! ეს უნდა იყოს, ყოველგვარი ვიწრო პარტიული კლიშეებისაგან თავისუფალი აქცია სადაც თავის სიტყვას იტყვის მოქალაქე! მხოლოდ ირაკლი შოთაძის გადადგომა არ არის გამოსავალი, გამოსავალია სისტემურად პრობლემური საგამოძიებო სისტემის დანგრევა, რომელიც თითქმის 15 წელია ვერ ახერხებს მნიშვნელოვანი საქმეების გამოძიებას, რომელიც 15 წელია ხელმძღვანელობს შერჩევითი სამართლის პრინციპით და ხელს აფარებს დამნაშავეებს. სამართლიანობა უნდა აღსრულდეს, სისტემა უნდა დაინგრეს და გაიწმინდოს დამნაშავეებისაგან, ძალაუფლება ჩვენშია, მოქალაქეებში და დავანახოთ იგი ხელისუფლებას!"- აცხადებენ აქციის მონაწილეები.