ბავშვის გატაცების ბრალდებით ზუგდიდში ცოლ-ქმარი დააკავეს. მეზობლები ჰყვებიან, რომ ბავშვის ოჯახს დაკავებული ცოლ-ქმრის ვალი აქვს და სწორედ ამ საქმის გასარკვევად მივიდა ცოლ-ქმარი ოჯახში.
მათ ადგილზე ბაბუა და შვილიშვილი დახვდნენ, მეზობლების თქმით, სწორედ ბაბუის ნებართვით წაიყვანა ცოლ-ქმარმა მცირეწლოვანი და მალევე უკან დააბრუნა.
ადგილობრივების ინფორმაციით, ოჯახმა, რომელსაც ვალის დაბრუნება არ სურს, ამ შემთხვევით ისარგებლა და საჩივრით პროკურატურას მიმართა.
შსს-ში ორი პირის დაკავების ფაქტს ადასტურებენ. გამოძიება მძევლად ხელში ჩაგდების მუხლით დაიწყო.
