მარტვილის მუნიციპალიტეტის სოფელ ხუნწთან, სადაც მდინარე ცხენისწყალი ჩაედინება, 6 წლის მოზარდს რამდენიმე საათს ეძებდნენ.
ინფორმაცია თავდაპირველად “თაიმერმა” გაავრცელა. გამოცემა წერდა, რომ მოზარდს ფეხი დაუცურდა და მდინარეში ჩავარდა.
სამძებრო-სამაშველო პროცესში ჩართული იყვნენ ადგილობრივები და მაშველები. ბავშვმა მდინარის დინებასთან გამკლავება და ნაპირზე გამოსვლა შეძლო: ის შემთხვევის ადგილიდან მოშორებით, ნაპირზე გამორიყული იპოვეს და შინ დააბრუნეს.