შსს-ში საკადრო ცვლილებები განხორციელდა – სამინისტროს პრესცენტრი ვაჟა სირაძეზე ინფორმაციას ადასტურებს და სხვა საკადრო ცვლილებებსაც ასახელებს:
ცენტრალური კრიმინალური პოლიციის უფროსი თეიმურაზ კუპატაძე დანიშნეს დაცვის პოლიციის უფროსად; დაცვის პოლიცია შსს-ის სსიპ-ია; კრიმ.პოლის უფროსად დაინიშნა კუპატაძის მოადგილე დავით კიკნაძე
კუპატაძისათვის ესტონეთს, ლიეტუვასა და ლატვიას აქვთ სანქციები დაწესებული
ვაჟა სირაძე, რომელიც 2019 წლიდან საპატრულო პოლიციის უფროსი იყო, თბილისის პოლიციის უფროსი გახდა; სირაძის ნაცვლად, საპატრულოს უფროსის პოსტს დაიკავებს ლევან მაისურაძე, რომელიც აქამდე თბილისის პოლიციის უფროსის მოადგილე იყო; სირაძემ ჩაანაცვლად ლაშა გოგნიაშვილი – თავად გოგნიაშვილი, რომელმაც ამ პოსტზე ერთ თვეზე ოდნავ მეტი დაჰყო, დაინიშნა კახეთის პოლიციის უფროსად
სირაძისათვის სავიზო სანქციები აქვთ დაწესებული ჩეხეთს, ლატვიას, ლიეტუვასა და ესტონეთს
ცვლილებებია შსს-ის რეგიონებშიც:
👮 კახეთის პოლიციის აწ უკვე ყოფილი უფროსი თეიმურაზ კალანდაძე გადაიყვანეს მცხეთა-მთიანეთში
👮 ქვემო ქართლის პოლიციის უფროსად დაინიშნა ლევან კვიციანი
👮 ქვემო ქართლის პოლიციის უფროსი გურამ ნაცვლიშვილი დაინიშნა სამცხე-ჯავახეთის პოლიციის უფროსად
👮 სამცხე-ჯავახეთის პოლიციის უფროსი რამაზ თათარაშვილი დაინიშნა იმერეთის პოლიციის უფროსად
👮 იმერეთის პოლიციის უფროსი ზაზა ცხაკაია დაინიშნა გურიის პოლიციის უფროსად
👮 შიდა ქართლის პოლიციის უფროსად დაინიშნა თბილისის პოლიციის უფროსის მოადგილე კახაბერ მურადაშვილი.