საქართველოს მეხუთე პრეზიდენტი, სალომე ზურაბიშვილი კოტე იოსელიანის გატაცების საქმეს ეხმაურება და აცხადებს, რომ “ეს არის განაჩენი რეჟიმისთვის, რომელიც ყოველდღიურად აჩვენებს, რომ შეშინებულია“.
ზურაბიშვილი მიიჩნევს, რომ “რეჟიმი არამყარად დგას და აღარ იცის, რას მიმართოს, რომ ადამიანები დააშინოს, დაემუქროს, აუკრძალოს ლაპარაკიც კი.“
არ შეიძლება, რომ არ ვიყოთ ყველანი შეშფოთებულები იმით, რაც მოხდა კოტე იოსელიანის შემთხვევაში, ეს გატაცება, მუქარა, თუ რაც იყო, იმიტომ რომ ადამიანმა მოსაზრება, შესაძლოა, არაკორექტული, გამოთქვა 8 წლის წინ და ეს ეხებოდა შიშველი მეფის ოჯახს, არის განაჩენი ამ რეჟიმისთვის. რეჟიმი გვაჩვენებს, ყოველღიურად როგორი შეშინებულია თვითონ, როგორი არამყარად დგას და აღარ იცის, რას მიმართოს, რომ ადამიანები დააშინოს, დაემუქროს, აუკრძალოს არა მხოლოდ ლაპარაკი, თუნდაც ფეისბუქპოსტებზე რაღაცების დაწერა. ეს არის სრული კონტროლის მცდელობა, უკვე გადავედით ჩრდილო კორეის დონეზე. მხოლოდ დ ამხოლოდ სისუსტის ნიშანია, არ არსებობს რეჟიმი, რომელსაც გააჩნია შიდა იმპერია, რომელსაც აქვს მხარდაჭერა თავისი მოსახლეობის, რაც არ უნდა დიქტატორული რეჟიმი იყოს, მაგრამ თუ აქვს, ოდნავ მაინც, საკუთარი მოსახლეობსი მხარდაჭერა, ასე არ იქცევა და არ სჭირდება, რომ ასე მოიქცეს, ჩვენ ერთის მხრივ უნდა დავგმოთ ეს მოქმდება, მეორეს მხრივ კი ვიცოდეთ, რომ ეს არის მართლაც მათი განაჩენი, -განაცხადა ზურაბიშვილმა.
„ნაციონალური მოძრაობის“ ყოფილი წევრი და თინა ბოკუჩავას მეუღლე, კოტე იოსელიანი, შინაგან საქმეთა სამინისტროში გამოკითხვაზეა დაბარებული.
იოსელიანის დაბარება, სავარაუდოდ, ბოკუჩავას მიერ გავრცელებულ განცხადებას უკავშირდება, სადაც ენმ-ის თავნჯდომარე ამბობს, რომ მისი მეუღლე ნიღბიანმა პირებმა გაიტაცეს და ბავშვების უსაფრთხოებით ემუქრებოდნენ.
მომხდარს თინა ბოკუჩავა მისი დაშინებისა და გაჩუმების მცდელობად აფასებს.
შეგახსენებთ, გუშინ კოტე იოსელიანმა გაავრცელა ვიდეო, სადაც ბოდიშს უხდის ბიძინა ივანიშვილის შვილს, უტა ივანიშვილს, წლების წინ მის შესახებ გაკეთებული განცხადებების გამო. დღის ბოლოს, სოციალურ ქსელში განცხადება გაავრცელა ტავად კოტე იოსელიანმაც.
ის მიანიშნებს, რომ შვილებით ემუქრებოდნენ.