“ევრობარომეტრის” მიხედვით, საქართველოში ევროკავშირისადმი ნდობა 9%-ით შემცირდა

ევრობარომეტრის კვლევის მიხედვით, გასული წლის შემოდგომიდან ევროკავშირისადმი ნდობა საქართველოში 9%-ით შემცირდა და 49% შეადგინა.

მიმდინარე წლის გაზაფხულზე ჩატარებული კვლევის თანახმად, ევროკავშირს საქართველოში გამოკითხულთა 49% უფრო მეტად ენდობა, 37% მიდრეკილია უნდობლობისკენ, 14%-ს კი პასუხი არ აქვს.

ამასთანავე, შემცირებულია იმ ქართველების წილიც, ვისთვისაც ევროკავშირს დადებითი იმიჯი აქვს – შემოდგომაზე ასეთი 47% იყო, გაზაფხულზე კი – 37%. ახლა 47% ამბობს, რომ ევროკავშირს ნეიტრალურად უყურებს, 14% – ცუდად.

ამის მიუხედავად, საქართველოს მოსახლეობის უმრავლესობა მიიჩნევს, რომ ევროკავშირის წევრობა კარგი იქნება საქართველოსთვის. ასე ფიქრობს გამოკითხულების 60%, მაგრამ შემოდგომაზე იმავე აზრზე 69% იყო.

ამასთან, მოსახლეობის 75% ფიქრობს, რომ საქართველო სარგებელს მიიღებს ევროკავშირში გაწევრიანებისგან. გასული წლის მაჩვენებელი 82% იყო.

ახალი კვლევის მიხედვით, საქართველოს პარლამენტს ქართველების 45% ენდობა, საქართველოს მთავრობას კი – 51%.

ამავე კვლევის თანახმად, ქვეყანაში ეკონომიკურ მდგომარეობას ნეგატიურად აფასებს გამოკითხულთა 40%, 56% კი მიიჩნევს, რომ საქართველოში ცუდი ეკონომიკური მდგომარეობაა.

გამოკითხულთა 33% ქვეყნის ყველაზე მნიშვნელოვან გამოწვევად საცხოვრებელ ხარჯებსა და მზარდ ფასებს ასახელებს. 19% კი ეკონომიკურ სიტუაცია.

საცხოვრებელ ხარჯებსა და მზარდ ფასებს ქვეყნის წინაშე არსებულ მნიშვნელოვან საკითხად მიიჩნევს რესპონდენტთა 33%, 24% კი უმუშევრობას. 19% ფიქრობს, რომ მთავარი გამოწვევა ეკონომიკური სიტუაციაა.

ევრობარომეტრის გაზაფხულის კვლევის საველე სამუშაოები საქართველოში 2025 წლის 27 მარტიდან 17 აპრილამდე ჩატარდა, იქამდე კი უკანასკნელი კვლევა 2024 წლის ოქტომბერ-ნოემბრის მონაცემებს ასახავდა. კვლევის ფარგლებში საქართველოში 1011 რესპონდენტი გამოიკითხა.