„ვარდების რევოლუციის“ მოედანს პირველი რესპუბლიკის სახელი მიენიჭა. გადაწყვეტილება საკრებულოს დღევანდელ სხდომაზე უმრავლესობამ ერთხმად მიიღო. საკითხის დამტკიცებას საკრებულოს უმცირესობა არ დასწრებია.
ასევე, საკრებულომ კენჭისყრით დაამტკიცა 15 ქუჩისთვის სახელის გადარქმევა, რომელთაც ამ დრომდე რევოლუციონერების სახელწოდებები აქვთ. მათ საქართველოს დამოუკიდებლობის აქტზე ხელმომწერ სახელმწიფო მოღვაწეთა სახელები დაერქვათ.
„ვარდების მოედნისა“ და 15 ქუჩისთვის სახელის გადარქმევის შესახებ საკრებულომ 22 მაისს საჯარო განხილვა გამართა. „ვარდების მოედნისთვის“ სახელის შეცვლასთან დაკავშირებით პოზიციების დაფიქსირების შემდეგ საკრებულოს ოპოზიციამ პროტესტის ნიშნად საჯარო განხილვა დატოვა.