საქართველოს დამოუკიდებლობის დღეს, 26 მაისს, სამეგრელო კიდევ ერთხელ ერთსულოვნად შეუერთდება ქვეყნის მასშტაბით გაჩაღებულ ეროვნულ პროტესტს. უკვე მეექვსე თვეა, ათასობით გულანთებული მოქალაქე ქუჩაში დგას და შეუპოვრად იბრძვის ჩვენი სამშობლოს სუვერენიტეტის, ევროპული არჩევანისა და დემოკრატიული მომავლის დასაცავად.
ჩვენთვის, დამოუკიდებლობის დღე არ არის მხოლოდ დიდებული წარსულის მოგონება – ეს არის დღევანდელი, სასიცოცხლო მნიშვნელობის ბრძოლის ცოცხალი სიმბოლო. ბრძოლისა, რომელიც აუცილებლად მოიტანს იმ ნანატრ შედეგებს, რისთვისაც თავდადებით იბრძოდნენ პირველი დემოკრატიული რესპუბლიკის გამორჩეული დამფუძნებელი მამები და შემდგომში ეროვნული მოძრაობის თითოეული მონაწილე.
📍26 მაისს ვიკრიბებით ზუგდიდში, 17:00 საათზე, იუსტიციის სახლის მიმდებარედ, ე.წ. „სკეიტ პარკის“ ტერიტორიაზე!
ჩვენი ერთობა ჩვენი ძლიერებაა. არ ვაპირებთ ჩვენი სამშობლოს თავისუფლების დათმობას! ვიდგეთ მხარდამხარ, შევინარჩუნოთ სიმტკიცე და კიდევ ერთხელ ვაჩვენოთ ყველას, რომ ჩვენი არჩევანი ურყევია – თავისუფალი, დემოკრატიული და ევროპული საქართველო
ნათქვამია სამოქალაქო სოლიდარობის, ფონდის მიერ გავრცელებულ განცხადებაში