პაკისტანში, ანომალიური სიცხის გამო, ბოლო ოთხი დღის განმავლობაში 65 ადამიანი დაიღუპა. როგორც ექიმები აღნიშნავენ, ადამიანების გარდაცვალების ძირითადი მიზეზი სიცხისგან გამოწვეული ინსულტი გახდა.
უცხოური მედიის ინფორმაციით, პაკისტანის ერთ-ერთ უდიდეს ქალაქ კარაჩიში ტემპერატურა +44 გრადუსს აღწევს. აღნიშნულის გამო შეფერხებებია ელექტროენერგიის მიწოდებაში.
პაკისტანის ხელისუფლება შიშობს, არ განმეორდეს 2015 წლის სიტუაცია, როდესაც გაუსაძლისი სიცხეების გამო 1300 ადამიანი დაიღუპა.
