პარიზში მყოფი საქართველოს მოქალაქეების საყურადღებოდ საქართველოს საელჩო საფრანგეთში განცხადებას ავრცელებს.
"13 ნოემბერს პარიზში განხორციელებული ტერორისტული აქტების გამო, საფრანგეთში გამოცხადდა საგანგებო მდგომარეობა, ამუშავებულია ყველაზე მაღალი უსაფრთხოების გეგმა; რაც ნიშნავს, რომ აკრძალულია გარეთ გასვლა და გაძლიერებულია დაცვა. შესაბამისად მოგიწოდებთ დარჩეთ სახლებში, სასტუმროებში. გთხოვთ, ნუ აყვებით პანიკას." ნათქვამია განცხადებაში.
საელჩოში უკვე მოქმედებს ცხელი ხაზი , ამის შესახებ რუსთავი 2-ს საქართველოს ელჩმა საფრანგეთში, ეკა სირაძე-დელონემ განუცხადა. მისივე თქმთ ამ დროისათვის ტერაქტების შედეგად დაშავებული ან გარდაცვლილი საქართველოს მოქალაქეების შესახებ საელჩოს არანაირი ინფორმაცია არ მიუღია.
