მთავარისიახლეებიკულტურადღეიდან - ტიციანი, ლეონარდო და ვინჩი, რაფაელი და სხვა დიდი იტალიელი მხატვრები...

დღეიდან – ტიციანი, ლეონარდო და ვინჩი, რაფაელი და სხვა დიდი იტალიელი მხატვრები თბილისში

Published on

დღეს თბილისში,  ეროვნული გალერეაში  ტიციანის, ლეონარდო და ვინჩის, რაფაელისა და სხვა დიდი იტალიელი მხატვრების ნამუშევრების  გამოფენა იხსნება. 
 
 ეროვნული მუზეუმის ინფორმაციით, გამოიფინება შემდეგი ნამუშევრები: 
 
15 მაისიდან 5 აგვისტომდე – ტიციანის  ფერწერის განუმეორებელი სტილისა და ტექნიკის უბადლო ნიმუში ,,მადონა ყრმით“  ("მადონა ალბერტინი") , რომელიც  გამოფენისთვის ჩამოტანილია  ვენეციის აკადემიის გალერეიდან,  სადაც ვენეციური ხელოვნების უმდიდრესი კოლექცია ინახება.
 
 დამთვალიერებელს შეუძლია ნახოს ნამუშევრების ტურინის სამეფო ბიბლიოთეკის კუთვნილი 45 გრაფიკული ნამუშევარი, რომელტა ავტორები არიან   რენესანსის ოსტატები ლეონარდო და ვინჩი, მიქელანჯელო, რაფაელი, ბოტიჩელი, ბრამანტინო, სინიორელი, ვაზარი, პინტურიკიო და სხვები.  გრაფიკული ნამუშევრები გამოიფინება 25-26 მაისს.  
 
ამავე დღეებში  გამოიფინება "Evidence. A New State of Art” – გარუცოს ვიზუალური ხელოვნების ინსტიტუტის (IGAV)  კოლექცია, რომელიც წარმოგვიდგენს თანამედროვე იტალიურ ხელოვნებას გასული საუკუნის ორმოცდაათიანი წლებიდან დღემდე და აერთიანებს სხვადასხვა თაობის იტალიელი მხატვრების განსხვავებულ ხედვებსა და განსხვავებული გამომსახველობითი ენით შექმნილ ნამუშევრებს.
 
ახლო პერსპექტივაში, კერძოდ სექტემბერში  წარმოდგენილი იქნება ბაროკოს უმნიშვნელოვანესი ფიგურის, ჯან ლორენცო ბერნინისა და მე-17 საუკუნის სხვა ოსტატების ნამუშევრები რომის მახლობლად მდებარე „პალაცო კიჯი ინ არიჩაში" რომაული ბაროკოს მუზეუმიდან. ექსპოზიციის სახელია  „ბერნინის სკოლა და რომაული ბაროკო“. 
 
გამოფენები საქართველოს დამოუკიდებელი რესპუბლიკის 100 წლის იუბილეს ეძღვნება.
 
2017 წლის ოქტომბერში ეროვნულ გალერეაში ბოტიჩელისა და კარავაჯოს ნამუშევრები გამოიფინა.

სიახლეები

სასულიერო პირები მხარდაჭერას უცხადებენ მიტროპოლიტ იობს

“მივესალმები საზოგადოებას - მართლმადიდებელი ეკლესიის მრევლს. მინდა მივმართო იმ საზოგადოებას, რომელიც ეკლესიის მრევლად თვლის...

აფრიკიდან გამოსაგზავნ ბაობაბებზე სასამართლო პროცესი იანვარში გაიმართება

სამხრეთ აფრიკიდან გამოსაგზავნ ბაობაბებზე სასამართლო პროცესი იანვარში გაიმართება - სამხრეთ აფრიკული საგამოძიებო გამოცემის, Daily...

თამარ ბაჩალიაშვილის გარდაცვალების საქმის ხელახალი გამოთხოვნით ოჯახმა გენერალურ პროკურატურასთან აქცია კვლავ განაახლა

თამარ ბაჩალიაშვილის გარდაცვალების საქმის ხელახალი გამოთხოვნით ოჯახმა გენერალურ პროკურატურასთან აქცია კვლავ განაახლა. ოჯახის წევრები და...

აქციაზე დაკავებულების ოჯახის წევრები ბრიუსელში ჩავიდნენ

"თავისუფლების ხმა ციხიდან ევროპის დედაქალაქში” - აქციებზე დაკავებულების ოჯახის წევრები საქართველოს სხვადასხვა რეგიონში გამართული...