ტელეკომპანია ,,საქართველოს'' და ყარამანიშვილების წარმომადგენლებმა  სასამართლოში რუსთავი 2 – ის დროებითი მმართველების დანიშვნის შესახებ განჩინება გაასაჩივრეს.   ისინი ამ სასამართლო  გადაწყვეტილების გაუქმებასა და საჩივრის განხილვის დასრულებამდე მისი მოქმედების შეჩერებას ითხოვენ.  იურისტების განმარტებით, წინააღმდეგ შემთხვევაში, კომპანია საბიუჯეტო და სხვა ვალდებულებებს ვერ შეასრულებს და მისი ფუნქციონირება დადგება კითხვის ნიშნის ქვეშ. 

„ურთმელიძემ საკონსტიტუციო სასამართლოს გვერდის ავლით დროებითი მმართველები, ე.წ ცენზორები მოავლინა რუსთავი 2-ში. ჩვენ ვითხოვთ, შეჩერდეს ამ განჩინების მოქმედება იმ ვადით, რა ვადაც სჭირდება გაუქმების თაობაზე სასამართლოს საბოლოო გადაწყვეტილების გამოტანას.

მივმართავთ ქიბარ ხალვაშს, როგორც ფორმალურ მოსარჩელე მხარეს, ამ საქმეში და მოვუწოდებთ, დაეთანხმოს ჩვენ შუამდგომლობას განჩინების შეჩერების თაობაზე. ბატონო ქიბარ, თუ თქვენთვის რეალურად მნიშვნელოვანია ჟურნალისტების ბედი, მათი ჟურნალისტური საქმიანობის  შეუფერხებლობა, ის, რომ რუსთავი 2-მა განაგრძოს თავისი საქმიანობა, რომ შეძლოს საგადასახადო და სხვა ვალდებულებების შესრულება. 15 ნოემბერს დგება ამ ვალდებულებების შესრულების ბოლო ვადა. ეს ყველაფერი არის თქვენს ხელში, უნდა დაეთანხმოთ და მარტივად გამოვალთ იმ რთული პროცესიდან, რაშიც ვიმყოფებით", – განაცხადა ადვოკატმა ზაზა ბიბილაშვილმა.