საქართველოს ერთიანობისთვის დაღუპულ 22 მებრძოლს დღეს დიღმის ძმათა სასაფლაოზე სამხედრო პატივით დაკრძალავენ.

 

აფხაზეთიდან გადმოსვენებული 20 დაღუპულის ნეშტი სამების ტაძარში დაასვენეს, ორი კი ახლობლების მოთხოვნით საკუთარ სახლში გადაასვენეს.

 

გადმოსვენებულთა ამოცნობა რამდენიმე დღის წინ დასრულდა.  მათი ვინაობა უკვე ცნობილია. ესენი არიან თამაზ ხარბედია – მინისტრის მოადგილე, მიხეილ კოკაია – ჟიულ შარტავას მრჩეველი სამხედრო საკითხებში, ზურაბ ძამუნაშვილი – მებრძოლი, გელა ფარქოსაძე – მებრძოლი, გოჩა შინჯიკაშვილი – მებრძოლი, გიორგი არზუმანოვი – მებრძოლი, კობა ხეჩიკაშვილი – მებრძოლი, ნუგზარ ფრიდონიშვილი – მებრძოლი, ზაზა მაჭარაშვილი – მებრძოლი (საჩხერე), ერმილე მაჭარაშვილი – მებრძოლი (საჩხერე), სიმონ ჟორჟოლიანი – მებრძოლი (წყალტუბო), მუხრან თუთისანი – მებრძოლი (ხონი), დავით ღლონტი – მებრძოლი (ლანჩხუთი), იმედა კოპალიანი – მებრძოლი, დავით წურწუმია – მებრძოლი, შოთა ჯღამაძე – ექიმი, ნუგზარ მილორავა – მებრძოლი, ასკალო მანაგაძე – მშვიდობიანი მოქალაქე (ქუთაისი), გელა თურმანიძე – მებრძოლი (საჩხერე), ალექსანდრე ზაალიშვილი – მებრძოლი, მუხრან მაჭარაშვილი – მებრძოლი (საჩხერე), გიორგი ზარქუა – მშვიდობიანი მოქალაქე (ფოთი)

 

სამგლოვიარო პროცესია 16:00 საათზე დაიწყება, თუმცა მანამდე სამების საკათედრო ტაძარში სამოქალაქო პანაშვიდი გაიმართება.

 

ამ დროისთვის აფხაზეთში კონფლიქტის დროს, უგზო-უკვლოდ დაკარგულად მიჩნეული 148 დაღუპულია იდენტიფიცირებული.