მთავარისიახლეები"არჩევნების შედეგები უდავოა... კამათი მაინც იქნება ევროპაში და ამას სერიოზულად არ უნდა...

“არჩევნების შედეგები უდავოა… კამათი მაინც იქნება ევროპაში და ამას სერიოზულად არ უნდა შეხედოთ” -“რჩევა” პუტინის მოკავშირე ორბანისგან

Published on

საქართველოში ვიზიტით მყოფმა, უნგრეთის პრემიერმინისტრმა და პუტინის მოკავშირე ვიქტორ ორბანმა პრემიერ კობახიძესთან გამართული შეხვედრის შემდეგ, ერთობლივ პრესკონფერენციაზე განაცხადა, რომ უნგრეთიდან გამოგზავნილი დამკვირვებლების ანგარიშით, საქართველოში “დემოკრატიული და თავისუფალი არჩევნები ჩატარდა”.

ორბანმა კობახიძეს კიდევ ერთხელ, ამჯერად ტრიბუნიდან მიულოცა “გამარჯვება” და აღნიშნა, რომ არჩევნებთან დაკავშირებით დავა და კამათი სულ იქნება ევროპაში, თუმცა ქართველმა ხალხმა ეს სერიოზულად არ უნდა აღიქვას.

ორბანმა “ოცნების” რუსული პროპაგანდისტული მესიჯიც გაახმოვანა “ლიბერალებისა” და “კონსერვატორების” შესახებ:

“ჩვენ უნგრელები ასევე ვაგზავნით ხოლმე არჩევნებში ჩვენ დამკვირვებლებს და საქართველოშიც ასე იყო. მე შევისწავლე ის ანგარიში, რომლებიც უნგრელმა დამკვირვებლებმა წარმოადგინეს, ყველა ასპექტით იყო პოზიტიური. თავისუფალი და დემოკრატიული არჩევნების შესახებ იყო საუბარი ამ ანგარიშში და ამიტომ მინდა მივულოცო საქართველოს პრემიერმინისტრს ამის გამო…

უნგრეთის პრემიერმინისტრის რანგში, რომელსაც ბევრი დავა მომიგია მინდა გითხრათ, რომ მომავალშიც იქნება კამათი, მომდევნო ორი დღის განმავლობაში, მაგრამ ეს ისე უნდა იქნას მიღებული, როგორც ხდება აქამდე. არჩევნების შედეგები უდავოა, თავისუფალი და დემოკრატიული არჩევნები ჩატარდა, მაგრამ დავა და კამათი მაინც იქნება ევროპაში. თქვენ ამას სერიოზულად არ უნდა შეხედოთ, იმიტომ, რომ ეს ჩვეული ამბავია, კამათი არსებობს მსგავსი სახის, ბრიუსელში ეს ყოველთვის ასეა, როდესაც თავის არსით კონსერვატიული პარტიები იგებენ, ჩვენ ყოველთვის ვხედავთ ასეთ კამათს იმიტომ, რომ ევროპული პოლიტიკა არის სახელმძღვანელოზე დაფუძნებული – თუ ლიბერალები იმარჯვებენ, მაშინ დემოკრატია არისო, თუ კონსერვატორები იმარჯვებენ მაშინ დემოკრატია არ ყოფილა.” თქვა ორბანმა. [სინქრონული თარგმანი]

შეგახსენებთ, რომ ევროკავშირის 13-მა მინისტრმა საერთო განცხადება გაავრცელა და აღნიშნა, რომ ვიქტორ ორბანი საქართველოში ევროკავშირის სახელით არ საუბრობს.

სიახლეები

რუსთაველზე სახალხო ახალი წლისთვის მზადება 20:00 საათიდან იწყება

უწყვეტი პროტესტის 36-ე დღე და ახალი წელი რუსთაველის გამზირზე - მოსახლეობა ახალ წელს ერთად...

საუბარია არა შიდა პოლიტიკაზე ან რომელიმე კონკრეტული პოლიტიკური ჯგუფის მხარდაჭერაზე, საუბარია პირობაზე, რომელიც 1 წლის წინ მოგვცეს და არ შეასრულეს” – ბუდრისი “ოცნებაზე”

ლიეტუვის საგარეო საქმეთა მინისტრი, კესტუტის ბუდრისი საქართველოში მიმდინარე მოვლენებს ეხმაურება - ის აღნიშნავს, რომ...

თვითგამოცხადებულმა პრემიერმა კობახიძემ, კალანდარიშვილსა და კაციტაძეს სახელმწიფო დაცვა დაუნიშნა

არალეგიტიმურმა პრემიერმა კობახიძემ ცესკოს თავმჯდომარე გიორგი კალანდარიშვილსა და სპეციალური საგამოძიებო სამსახურის უფროსს, კარლო კაციტაძეს...

ჟურნალისტი გიორგი ლაფერაშვილი გარდაიცვალა

ჟურნალისტი და პროდიუსერი გიორგი ლაფერაშვილი გარდაიცვალა. მომხდარ სამწუხარო ფაქტთან დაკავშირებით ინფორმაციას ტელეკომპანია “ფორმულა“ ავრცელებს. დღეს ჩვენთვის...