პრეზიდენტის იმპიჩმენტი კი არა, 26 ოქტომბრის მარცხის შემდეგ ვინ რომელ ქვეყანაში გაიქცევა, მაგის მომსწრეები მალე გავხდებით – ასე ეხმაურება ოპოზიციონერი დეპუტატი, “ერთიანობა – ნაციონალური მოძრაობის” სიის მე-11 ნომერი კახა ოქრიაშვილი ხელისუფლების გადაწყვეტილებას, რომელიც პრეზიდენტის იმპიჩმენტის პროცესს ხელახლა იწყებს:
„ოცნებამ“ არჩევნების წინ ახალი თემა გამოაცხო, უფრო სწორად „გააცოცხლა“ – პრეზიდენტის იმპიჩმენტი. თურმე, პრეზიდენტმა კონსტიტუცია დაარღვია და ამიტომ იმპიჩმენტი უნდა მოუწყონ, ვითომ ეყრდნობიან კონსტიტუციას და ამ სიტყვასაც ხშირ-ხშირად ახსენებენ.
პირადად მე კობახიძის დაწერილი ანტიდემოკრატიული კონსტიტუცია არ მაინტერესებს. პრეზიდენტის იმპიჩმენტი კი არა, 26 ოქტომბრის მარცხის შემდეგ ვინ რომელ ქვეყანაში გაიქცევა, მაგის მომსწრეები მალე გავხდებით.
26 ოქტომბერს ყველანი ერთად, არჩევნებზე !” წერს ოქრიაშვილი.