ანტიოკუპაციური მოძრაობა “ძალა ერთობაშიას” დამუძნებელი და პარტიის ‘ჩვენ” ლიდერი დათო ქაცარავა საფრთხეს ხედავს იმაში, რომ ვახტანგ გომელაურის განკარგულებით, “ხარება” საარჩევნო უბნებთან შსს-ს ჯგუფებს დააკომპლექტებს და უხელმძღვანელებს.
“ეს არის ცალსახა მინიშნება, რომ ხელისუფლება ემზადება ტერორის განსახორციელებლად. ეს არ არის რაიმე კონტროლის მექანიზმი მშვიდობიანი პროცესებისთვის. ეს არის პირდაპირი სადამსჯელო რაზმების შექმნა, რომლებიც მიმაგრებულნი იქნებიან საარჩევნო უბნებზე და განახორცილებენ ზეწოლას საარჩევნო უბნებზე და განახორციელებენ ზეწოლას მოქალაქეებზე. ეს კიდევ ერთი მტკიცებულებაა იმისა, რომ ეს ხელისუფლება ემზადება ძალაუფლების ნებისმიერ ფასად შესანარჩუნებლად”, – ამბობს დავით ქაცარავა.
სანქცირებული „ხარება“ საარჩევნოდ შექმნილი „ტერიტორიული ჯგუფების“ დაკომპლექტებაში მიიღებს მონაწილეობას – ამის შესახებ “რადიო თავისუფლება” წერს. გამოცემა შინაგან საქმეთა სამინისტროს მიერ 4 ოქტომბერს გამოცემულ ვახტანგ გომელაურის 30 სექტემბრის ბრძანებულებას ეყრდნობა.
ბრძანების პირველი მუხლის მეორე პუნქტი განსაზღვრავს, როგორ კომპლექტდება ტერიტორიული ჯგუფები.
სწორედ აქ წერია, რომ ჯგუფის შემადგენლობაში შედის „სამინისტროს განსაკუთრებულ დავალებათა დეპარტამენტის (გდდ-ის, იგივე სპეცრაზმის) ხელმძღვანელის მიერ გამოყოფილი წარმომადგენელი“.
ტერიტორიულ ჯგუფებს რეგიონებში დააკომპლექტებს ხუთ-ხუთი (ან საჭიროების შემთხვევაში ექვსი) ადამიანი. და ყოველ ხუთწევრიან ჯგუფში ერთი ადამიანი ხარაზიშვილის მიერ შერჩეული იქნება.