პრემიერ კობახიძის განცხადება რომ ბაიდენთან მიწვევა მას სამი დღით ადრე გაუგზავნეს და შემდეგ გააუქმეს, სიცრუე აღმოჩნდა. ინფორმაცია გამოცემა “პუბლიკამ” აშშ-ის საელჩოში გადაამოწმა.
ირკვევა, რომ კობახიძეს მიწვევა ბაიდენის ადმინისტრაციამ არა სამი დღით, არამედ ორი კვირით ადრე, 11 სექტემბერს გაუგზავნა და შედეგ, მიღების წინა დღეს გააუქმა.
„განსაკუთრებულ კომენტარს ამაზე ვერ გავაკეთებ. არასერიოზულია, 3 დღის წინ გამოაგზავნეს მოსაწვევი და შემდეგ გაუქმდა. ეს იყო ერთგვარი ჰუმანიტარული აქტი ოპოზიციის სასარგებლოდ, თუმცა ვერავითარი პრაქტიკული ეფექტი ამას ვერც ოპოზიციისთვის ვერ ექნება. ამაზე მეტი კომენტარის გაკეთება ამ თემაზე გამიჭირდება“, – განაცხადა ირაკლი კობახიძემ 26 სექტემბერს, მიწვევის გაუქმებაზე ინფორმაციის გავრცელების შემდეგ.
მიწვევის გაუქმების მიზეზი საქართველოს ხელისუფლების ანტიდემოკრატიული ქმედებები, დეზინფორმაცია და დასავლეთზე ნეგატიური რიტორიკა გახდა.